ظامي سراب

السبت




ظامي سرابْ .. واليوفْ من حَر ما فيـه .. ذوّا و ذابْ
ظامي سراب
ظامي سرابْ .. وكـل مـا الـقـلـب يلـفيه .. نَبضة وغابْ
ظامي سرابْ
***
بَأْغَبّي ما خّـفّقْ .. وأَرْخي الجِفِنْ .. حَسْراتْ .. حَسْراتْ
حَمارِكْ يا شِفَقْ .. طاوي الحِزِن .. وِشْتــاتْ .. وِشْتــاتْ
***
أَلَـمْـلِـمْ في الهـوى مَيْنـونْ تواصيـفَه
وأسَـكِّـنْ مَلْمِـحَه في لَحظة الطـاري
وأشَـكِّـلْ سيـرتـي بـكـيـفـي وِبْـكـيـفَه
عَـزيـزة إِنْ بَـغــوا .. بَـناتْ أَفْكـاري
إلْـحُـرْ كِـلْ مِـنْ مَـلَـكْ بـدِنْـيِـتَه طـيفَه
عِـشَـقْـتَه والعِشْـق مِـتْـوَطِّـنْ أَقــداري
عَـجـايِـبْ لا ثْبـرَتْ دِنْيـايْ عَنْ سِـيفَه
وأجْفـاني العُـمُـرْ ولا طِـلتِـكْ إدْيـاري
***
ظامي سَرابْ .. واليوفْ مِنْ حَر ما فيه .. ذوّا و ذابْ
ظامي سرابْ
ظامي سَرابْ .. وكِـلْ مـا القَـلبْ يَلْـفيه .. نَبضَة وغابْ
ظامي سرابْ


***









4 التعليقات:

Barrak يقول...

عَـزيـزة إِنْ بَـغــوا .. بَـناتْ أَفْكـاري

ضامي ... رغم انك تطول علينا باخر ابداعاتك ورغم ان اللي يعلق عندك راح ترد عليه بعد سنه وشوي ولكن كلماتك تستفز كل انسان

الواعد السنه اليايه

Barrak يقول...

الوعد

الزين يقول...
أزال المؤلف هذا التعليق.
الزين يقول...

كيف يظمي من ملك حق السؤال وعنده الجواب
كيف يذوي ذاك الخفوق وليه يذوبنا عتاب
يسقي من ظمى لشوفه سراب
ونبض قلب ينب بصدره غياب
يحمل بكفه التراب
ينثره بوجه الوله ويسكن بيوف العطش ..... وكله سراب
يجمع الحسرات يوفه ويزرعها شتات
وبين فكر منشغل وجفن تعب .. دوم يغافلنا ويبات
بوسط لونك يا شفق ترتخي عزوم الشغف
تشكي حاله اللي انتلف
تتعب دروب الهوى تمسك خيوط الفجر ... لجل عينك تنتظر
تسقي كاسات السهر ... فرية حلو طعمها من الشري أَمَرْ
وتثني الأهات كلمه ... وتكتب لظامي سراب


.....

إرسال تعليق